Sareginak gutxi badira
ere ugariak bai behintzat, telebistan agerraldiak, argazkiak (Massachusset puntatik
ere bialdu die eurari ateratakoak) eta gutxiago ez izatearren Dzangan ere
ogibide zahar honi lekua egin diogu, eta bere ogibidea bezain ugaria den
Teodorarengana jo dugu, ez dugu harrapatu batelean joaten baporera bertan traina
konpontzeko, inoiz gertatzen den modura, baina Agurtzaren bodegan beharrean
bai, bere lankideek, ugazaba andra ona ei da diñoe, batzutan eurakin drogan
egiten dau, baina behargin fina da.
Saregina ezezik dei
egitekoa ere izan da Teodora, bere ama izan zen modura, eta harengandik jatorkon
herentzia dela esan liteke egiten duen lana, familia arrantzale girokoa izanik,
bera izan da hiru aiztatik horri eutsi dion bakarra. Orain dena da diferente
eta Teodorak ez zuen ikasteko aukerarik izan. Hala eta guztiz ere, sareak
konpontzen ondo dagoela diño eta ofizioa ez ezik afiziorik handiena ere
baduela.
67 urte euki arren lanean
segitzen du oraindik “hoba ez” diño “Juanak be larogeta pikugaz segiduten eban, gero
gaixorik jausi zalako itxi eban. Fina zan, urregorria lakoxia”. Ez dela
behar erraza argi uzten du “inork ez dau
nahi lepoko minik” baina bide berdina segitu nahiko luke Teodorak.
Sarri entzun behar izaten
dute bai berak eta bai bere lankideek ondo dagozela sonbrilapean, “bai...” diño “euri zaparradatzan ez gaitu inork ikusten”.
Lehen andrek lan gehiago
egiten zuten “gizonak ongo estilo batera
baina andrak lehen bihar gehiago egiten eben, buruan eroaten ebelako kargia,
besiuak eta, edozer buruan. Trañak be lepoan hartura eroaten ebezen, frontora
ta, on ez. Ganera, on handiak dira eta ezin da. On trañak ez dira tintaten baña
lehen bai. Hor San Pedro aurrian tintaten zirian, San Pedropiak badauko
tradiziñoia... San Pedro eta bere andria zan saregiña”
Ezer ez luke kenduko
Lekitton baina ipini bai. Fabrikak ipiniko lituzke, kabanak, lehen hamahiru
edo zeudela gogoratuz. Arrantzaren etorkizuna ere txarto dagoela dio “txartoagorik ezin”. Zeozer egin behar dela
uste du, “antxoak karutu edo” eta
etorkizuna baltzago ipinita igual japonesak plastikozkoak egiten hasiko dirala.
“Holako modernizaziñoiak” ez ditu begi
on onez ikusten. “Modernotuten dabez gauzak”
esaten du “eta gu? zemat eta modernuago ta
txarrago! Hona ... ! Ta etorriko balitzatekez ez apurtzeko sariak, guk zer
eingo genduke ba?”
DZANGA aldizkaria 7.zkia. 1993ko ekaina
Argazkiak: DZANGA eta Iñaki Madariaga Valle
